Пирĕн ял варринче илемлĕ вырăн пур. Унăн ячĕ – Сăл лаппи. Кунта 16-мĕш ĕмĕртенпех пĕр чарăнмасăр тапакан  çăл куç пур. Ял çыннисем те, хăнасем те çак çăл куç вырăнне питĕ юратаççĕ, ку вырăна таса та тирпейлĕ тытса тăма тăрăшаççĕ. Сăл куç йĕри-тавра карта тытса çавăрнă. Кунтах -Чернов А.И. ĕç ветеранĕ ĕрчетнĕ сад пахчи. Шкул ачисем те кунти илемшĕн тăрăшаççĕ. Акă паян 2-мĕш класра вĕренекен Кирилл Черновпа  Кирилл Петров, пиллĕкмĕшсем – Таня Осипова, Алеша Трифонов çамрăк хунавсене шăварса тухрĕç. Ачасем çак ĕçе малашне те пурнăçлама шантарчĕç.