Çăварни – пирĕн халăхăн авалтан пыракан чи хаваслă та савăнăçлă уявĕсенчен пĕри. 

 Уяв пěр эрнене тăсăлать. Эрне хушшинче пěр-пěрин патне хăнана çӳресси, пар лашасем кӳлсе, катаччи чупасси йăлара.  Хěрсем çӳçеллě пысăк тутăрсем çыхаççĕ. Паянхи кун та  çак йăла çулран – çул вăй илсе аталанса пырать.

 Çăварни эрнинче  Елчěк округĕн   Çирĕклĕ Шăхалĕнчи   вăтам шкулта  халăх йăли – йĕркисене  пурнăçа кĕртес, хисеплеме хăнăхтарас  тěллевпе Çăварни уявě иртрě. Унта 1-4, 5-6  классенче вěренекенсем  хаваспах хутшăнчěç.  Класс ертӳçисем ертсе пынипе  ачасем Çăварни  юррисем шăрантарчěç, сăвăсем вуларěç, тěрлě вăйă вылярěç,  икерчěпе сăйланчěç.