Сисмерӗмӗр те,тепӗр вӗренӳ ҫулӗ хыҫа юлчӗ. 9,11-мӗш классенче вӗренекенсен хӗрӳ тапхӑр пуҫланчӗ- экзаменсене ӑнӑҫлӑ тытса алла аттестат илесси. Пуҫламӑш класра вӗренекенсемшӗн вара хаваслӑ каникул пуҫланчӗ.

     Ҫирӗклӗ Шӑхалӗнчи вӑтам шкулта 4-мӗш класс пӗтерекенсем "Сыв пул, пуҫламӑш шкулӑм!" уяв ирттерчӗҫ. 6 хӗр ачапа 8 арҫын ача хӑйсен пӗрремӗш вӗрентекенӗпе, Зинаида Альбертовна Михеевапа, уйрӑлма ҫӑмӑлах маррине пӗлтерчӗҫ. Малтанхи вӗрентекенӗн ырӑ сунса каланӑ сӑмахӗсене асра тытма сӑмах пачӗҫ тӑваттӑмӗшсем. Шкулӑн малтанхи картлашкине ҫӑмӑллӑнах парӑнтарнӑ ачасене класс ертӳҫи диплом парса чыс турӗ, яланлӑхах ачасем ӑна хӑйсен ҫитӗнӗвӗсемпе савӑнтарассине шанса тӑнине палӑртрӗ.

     Уявра хаваслӑ юрӑсем янӑрарӗҫ,шкул вальсӗ хӑйӗн кӗввипе пурне те тыткӑнларӗ. Ашшӗ-амӑшӗсем уяв вӗҫне ачасемшӗн кӗтменлӗх хатӗрленӗ - "Упа" хӑнана чӗннӗ.